El complexu de viviendes collaboratives yá cunta cola aprobación definitiva del estudiu de detalle y trabaya na tramitación de la llicencia d'obra y el proyectu arquitectónicu
14 jun 2021 . Actualizado a las 23:05 h.La cooperativa Axuntase acaba de recibir el preste definitivu del estudiu de detalle del proyectu de cohousing que va llevantar en Caraviés (Llanera, Asturies). Una notificación que se publicó nel Boletín Oficial del Principáu d'Asturies y confirma que se ta cumpliendo colos plazos alministrativos. Tamién que les obres, nes que se van invertir casi cuatro millones d'euros pa construyir un complexu que va cuntar con 36 viviendes y distintos espacios d'usu común, van poder empezar en pasando'l branu.
Pa caltener esti ritmu, que dexaría a los cooperativistes estrenar vivienda a lo llargo de 2023, nos próximos díes van realizase les últimes xestiones referentes a la llicencia y el proyectu arquitectónicu. Nesta llinia, na parcela yá se realizaron les midíes oportunes y yá se realizaron los primeros plantíos d'un proyectu paisaxísticu que va cuntar con más de 400 árboles.
Eventu virtual
Axuntase, amás, va celebrar el sábadu 19 de xunu, a les 12.00 hores, l'eventu virtual «Problemes d'accesu a la vivienda y el cohousing interxeneracional como alternativa». Va celebralu en directo y va poder siguise al traviés de la páxina de Facebook y la canal de Youtube de la cooperativa.
Van Participar tamién l'estudiu d'arquitectura responsable del proyectu F5 WAP, Entrepatios (primer cooperativa ecosocial española de vivienda) y el Conseyu de la Mocedá del Principáu d'Asturies.
El primer cohousing interxeneracional
La Cooperativa Axuntase ye la promotora del primer cohousing d'Asturies. El cohousing ye un modelu de vivienda nel que los sos integrantes esfruten d'una vivienda privada nun complexu arquitectónicu que cunta con amplios espacios comunes que favorecen la socialización y la vida en comunidá. Esti modelu vien desenvolviéndose con gran ésitu nel centru y norte d'Europa, principalmente, dende los años 70 y encara decididamente problemátiques qu'afecten a la sociedá nel so conxuntu como son: la sostenibilidá medioambiental, l'accesu a la vivienda, los cocuidaos, la conciliación familiar, etc. A la fin, una vida saludable.