15 creadores y artistes asturianos van ufiertar 46 actividaes en 19 conceyos dende'l miércoles, 16 de xunu, hasta avientu
14 jun 2021 . Actualizado a las 16:50 h.La Conseyería de Cultura, Política Llingüística y Turismu, al traviés de la Dirección Xeneral de Política Llingüística, presentó la programación hasta finales d'añu del circuitu Autores nel camín 2021, protagonizáu por escritores y artistes ganadores de los premios en llingua asturiana de les convocatories de 2019 y 2020, amás de dos autores en gallego-asturianu.
15 creadores y artistes asturianos van ufiertar 46 actividaes en 19 conceyos dende'l miércoles, 16 de xunu, hasta avientu, según informó'l Principáu en nota de prensa. Los alcuentros, llectures y recitales lliterarios van tar protagonizaos por Francisco Álvarez, Xune Elipe, Ruma Barbero, José Ángel Gayol, Sidoro Villa, María José Fraga, Emma Méndez, Alejandro Fernández Osorio, Inaciu Galán y Vero Suari, Alberto Vázquez y Gonzalo G. Barreñada.
La compañía de teatru Higiénico Papel va llevar la obra El viaxe de Covaletti a Grau, Castrillón y Candás, y la compañía Factoría Norte va representar Les Rellaciones peligroses en Llangréu, Grau, L.lena y Corvera. Rodrigo Cuevas, per otru llau, va llevar Rambalín n'avientu a los conceyos d'Avilés, Grau, Corvera, Villaviciosa, Candás, Cangas y Bimenes, informa Europa Press.