El Centru Tito Bustillo acueye l'amuesa la «Ruta primitiva del Camín de Santiago al traviés del vestuariu»

G.G. REDACCIÓN

AGORA

Muestra Ruta primitiva del Camino de Santiago a través del vestuario
Muestra Ruta primitiva del Camino de Santiago a través del vestuario Centro de Arte Rupestre Tito Bustillo

La diseñadora Maite Capín, creadora del vestuariu de la esposición, va realizar una visita'l sábadu 19 de xunu

17 jun 2021 . Actualizado a las 12:21 h.

El Centru d'Arte Rupestre de Tito Bustillo acueye l'amuesa la «Ruta primitiva del Camín de Santiago al traviés del vestuariu» del 19 de xunu al 25 de xunetu.

La diseñadora Maite Capín, ceadora de la esposición, percuerre esta ruta al traviés del vestuariu qu'ellaboró pa la película «El Crucigrama de Jacob» d'Ana L. Martín, que llogró 13 nominaciones a los Premios Goya de 2019, incluyendo la de Meyor Vestuariu. Espón ropa de pelegrín, noble, llabrador o monxu y toa esta vistimienta va acompañada d'imáxenes de la película pa entender cada estilismu.

Por cuenta de la inauguración de la muestra, el sábadu 19 de xunu, a les 12:00 hores, Maite Capín va realizar una visita a la «Ruta primitiva del Camín de Santiago al traviés del vestuariu», na que'l públicu va conocer los elementos de la ropa espuesto y va ver cómo s'ellaboraben los texíos, cómo se tiñíen o cosíen. L'actividá para esti sábadu completó les places y va volvese a realizar el 10 de xunetu, fecha pa la que tamién ye imprescindible retirar invitación na web centrotitobustillo.com.

La esposición, con accesu gratuitu cola entrada al Centru d'Arte Rupestre, va tar abierta de miércoles a domingu nel horariu d'apertura del equipamientu.