Soberanía alimentaria

AGORA

E. Moldes

02 jul 2021 . Actualizado a las 05:00 h.

¿Qué ye la soberanía alimentaria?¿Fai falta? P'Amigos de la Tierra ye una agricultura y ganadería social y sostenible, que garantice una alimentción de calidá, basada en métodos de producción que puxen pola proteición ambiental, el bientar animal y el caltenimientu de los recursos ñaturales. Que garantice la calidá de vida de los pequeños y medianos agricultores pa caltener un mediu rural social, ambiental y económicamente vidable. Tamién ye'l drechu de los pueblos a alimentos suficientes, sanos y producíos de mou ecolóxicu.

L'autoabastecimientu de les necesidaes alimenticies d'un pueblu, ensin depender de les importaciones va acullá de la producciónd'alimentos. Inclúi les semientes, preseos bio, teunoloxía y xenética.

Poro, la FAO, (Food and Agriculture Organization, Organización de les Naciones Xuníes pa l'Alimentacióny l'Agricultura) recoyéndolos de les ONG, afita seyes pegoyos pa la soberanía alimentaria:

-Céntrase n'alimentos pa los pueblos

-Pon a valir a los xeneradores d'alimentos

-Llocaliza los sistemes alimentarios

-Asitia'l control na estaya llocal

-Promueve la conocencia y les habilidaes

 -Ye compatible cola ñatura

Los esgalazamientos o fame estrema son la forma más grave de falta d'accesu d'alimentos, causaes por guerres, probitú y cambeos climáticos. Acción contra el Hambre sofita que pa qu'un territoriu padeza esgalazamientu  ha dase una escosura estrema d'alimentos pa un gran númberu de persones, que les tases de malnutrición aguda perpasen el 30%, qu'alcaldía la tasa de mortalidá perpase dos persones per cada 10.000.

Anguaño, hai esgalazamientu que carecen millones de persones en Sudán del Sur, Yeme, Nixeria y Somalia.

La fame nel mundiu pue torgase y ye un oxetivu de les organizaciones mundiales como la FAO y d'ONGs.

Esti planeta superpobláu y escosador de recursos pue redistribuyir la bayura d'alimentos que produz, con un xestión afayadiza del procesu dende la producción d'aniciu al consumu final. Pero como tantes vegaes pa dellos de los gobiernos más poderosos, ye más prioritariu'l presupuestu n'armamentu que l'empobináu desaniciar la fame de la Tierra.

El llabor d'instituciones internacionales y ONGs, pue camudar el cursu d'esta murnia hestoria pa munchos millones de presones que nun son  ñacíes en llugares enquivocaos, sinón mal xestionaos, por dicir daqué.

Siempres tamos a tiempu pa entamar el consumu d'alimentos ecolóxicos. Por exemplu esti branu, nos mercaos ecolóxicos nes principales ciudaes y villes asturianes.