Podemos pide a Barbón aprobar la llei trans o esplicar el motivu de que siga «guardada nun caxón»

La Voz OVIEDO

AGORA

Manifestación por el orgullo LGTBI en Oviedo
Manifestación por el orgullo LGTBI en Oviedo Natasha Martín

Dende la formación morada aseguren que'l testu yá ta ellaboráu y que y namás habría qu'actualizalu cola aspiración de que sía una llei «pionera y referente pa otres comunidaes autónomes»

05 jul 2021 . Actualizado a las 19:52 h.

La responsable del Área de feminismu, diversidá y LGTBIQ de Podemos Asturies, Jara Cosculluela, apuró esti llunes al presidente del Gobiernu del Principáu, Adrián Barbón, a aprobar la Llei Trans autonómica o esplicar el motivu de que siga «guardada nun caxón».

En rueda de prensa señaló que na llexislatura pasada avanzóse nel testu pa la norma asturiana col gobiernu de Javier Fernández, siendo directora del Institutu Asturianu de la Muyer Almudena Cueto. Asina, diz que'l testu yá ta ellaboráu colos trabayos realizaos ente'l PSOE, Ciudadanos, Podemos y IX, y namás habría qu'actualizala cola aspiración de que sía una llei «de vanguardia» que pueda «dir más allá» del anteproyectu de llei estatal.

Pa Podemos, la normativa autonómica pue desenvolver aspectos concretos a partir del «paragües» qu'ufierta l'anteproyectu del Gobiernu de coalición de PSOE y Unidas Podemos, y dende la formación morada aspiren a que sía «pionera y referente pa otres comunidaes autónomes».