El Centru del Prerrománicu acueye la muestra «Lego-mánico asturiano» hasta'l 30 de setiembre
06 jul 2021 . Actualizado a las 17:38 h.El Centru de Recepción y Interpretación del Prerrománicu Asturianu acueye hasta'l 30 de setiembre la muestra Lego-mánico asturiano realizada pola Asociación Cultural Asturbrick.
La esposición muestra los monumentos prerrománicos del Monte Naranco al traviés de pieces Lego. Pa eso, cientos y cientos de los famosos lladriyos dan formen a diorames nos que se ve la reproducción de Santa Maria del Naranco y la so redolada, y de San Miguel de Lliño y la so contorna y una escena costumista.
Lego-mánico asturiano, con entrada gratuita, pue visitase en xunetu y agostu tolos díes, de 10.00 a 14.00 y de 15.30 a 19.00 hores, y en setiembre, de miércoles a domingu, de 09.30 a 13.30 y de 15.30 a 18.00 hores.
El Centru del Prerrománicu Asturianu completa la so programación pa esti branu colos talleres Prerrománico: creatividad con Lego! que se van realizar el 17 y 25 de xunetu, el 8 y 21 d'agostu y 5 setiembre. El públicu infantil de 5 a 12 años va realizar con pieces de Lego dalgunos de los edificios más representativos del prerrománicu asturianu, informa Europa Press.