¿Pueden les algues asturianes frenar el calentamientu global?

F. Sotomonte

AGORA

El Principáu desenvuelve dende 2017 un proyectu d'I+D pa la captura de CO2

08 jul 2021 . Actualizado a las 05:00 h.

Pa lluchar contra los gases d'efectu invernaderu que tienen un notable impactu nel calentamientu global nun hai aliaos pequeños. Asturies ye una comunidá na que los alderiques sobre la descarbonización abórdense dende toles dimensiones, dende les más grandes, coles reformes necesaries a nivel industrial, hasta les más pequeñes con estudios sobre la posibilidá d'usar microalgues pa la captura de CO2.

Trátase d'un proyectu puestu en marcha yá en Cogersa, según esclarió la Conseyería de Mediu Rural na so respuesta a una entruga parllamentaria plantegada pol diputáu de Ciudadanos, Luis Fanjul.

Nella, la conseyería señala que'l proyectu empezó nel añu 2017 col nome de ReCO2very y trátase d'una iniciativa estratéxica d'I+D+I p'amenorgar les emisiones d'esti gas nes instalaciones d'incineración de residuos recuperándoles al traviés del cultivu de microalgues na producción de biocarburantes y otres formes d'enerxía.