El Economato de Turón dobla la so plantiya tres una reforma integral del establecimientu

G.G. REDACCIÓN

AGORA

Economato de Turón
Economato de Turón El Arco

El Arco invierte más d'un millón d'euros na remodelación y ampliación de la tienda

16 jul 2021 . Actualizado a las 05:00 h.

El Economato de Turón reabre les sos puertes al públicu n'acometiendo la reforma integral y ampliación del establecimientu. El Arco invirtió más d'un millón d'euros en remocicar les instalaciones y la plantiya va pasar de 12 a 24 trabayadores. 

L'establecimientu que se pon en marcha dispon d'una sala de ventes estremada en dos pisos que sumen más de 1.500 metros cuadraos. Amás, hai que sumar la planta soterraña que s'acondicionó como parking. La reforma supunxo tamién una importante meyora de l'accesibilidá nel edificiu gracies a les ramples mecániques que s'instalaron pa facer posible que los veceros camuden d'un pisu a otru con total facilidá.  

No que fai a secciones y servicios, la tienda de Turón va disponer de toles secciones de productos frescos: frutería, carnicería, pescadería, charcutería y panadería. Estes secciones, amás de la zona de llibre serviciu d'alimentos envasados, conxeláu o bodega, van allugase na planta baxa d'El Economato. Les secciones de perfumería, droguería, testil, calzáu, llibrería o la sección agrícola van asitiase na primer planta.