Derechos Sociales, Sepepa y Tragsa roblen un conveniu pa fomentar la empleabilidá de perceptores del salariu social

La Voz UVIÉU

AGORA

La portavoz del Gobierno del Principado de Asturias, Melania Álvarez
La portavoz del Gobierno del Principado de Asturias, Melania Álvarez EFE | J.L.Cereijido

Van valorar como méritu especial la condición de los beneficiarios d'esta renta mínima nos procesos selectivos que se pongan en marcha

19 jul 2021 . Actualizado a las 19:20 h.

La Conseyería de Derechos Sociales y Bienestar, xuntu al Serviciu Públicu d'Empléu del Principáu d'Asturies (Sepepa) y el Grupu Tragsa, suscribieron esti llunes un conveniu de collaboración pa fomentar la inclusión llaboral de les persones que perciben el salariu social básicu na rexón.

Per aciu d'esti conveniu, el Sepepa y les empreses de Tragsa van valorar como méritu especial la condición de los beneficiarios d'esta renta mínima nos procesos selectivos que se pongan en marcha pa cubrir «contrataciones de personal necesaries pa dar rempuesta a actuaciones d'emerxencia y nes ufiertes d'empléu temporales derivaes d'encargos de cualquier órganu o entidá de l'Alministración del Principáu».

Na firma participaron la conseyera de Derechos Sociales, Melania Álvarez; el conseyeru d'Industria, Empléu y Promoción Económica, Enrique Fernández; y el presidente de Tragsa, Jesús Casas. La titular de Derechos Sociales destacó que con esti conveniu da rempuesta a los nuevos perfiles de beneficiarios que s'averen a los servicios sociales por culpa del andanciu.