El mayor crecimientu ye ente los mozos de menos de 25 años
29 jul 2021 . Actualizado a las 05:00 h.El desemplegu ente les persones con discapacidá xubió l'añu pasáu n'Asturies un 8,2%, hasta 4.489 persones, según un informe d'Adecco a partir de los datos del Ministeriu d'Emplegu.
Ente esti colectivu, el mayor aumentu ye ente los mozos de menos de 25 años, un 22,5%, hasta 185 paraos. Sicasí, tamién xubió ente les persones de 25 a 44 años, un 2,6%, hasta 1.424 paraos, y ente los mayores de 45, un 10,3%, hasta 2.880.
Según l'informe, munchos trabayadores nuevos con discapacidá, concentraos mayoritariamente nel sector terciariu, perdieron el so emplegu nel contestu de pandemia. Davezu, estos mozos atopen el so primer trabayu n'árees que se vieron bien castigaes poles midíes de distanciamientu social, como la hostelería o'l turismu.
Otru indicador llamativu ye'l desemplegu de llarga duración, qu'esperimentó un crecimientu descomanáu» nel casu de los menores de 25 años con discapacidá. Asina, l'añu pasáu contabilizóse en tol Estáu 5.095 paraos nuevos que superaben l'añu de busca activa d'emplegu, un 83,2 % más que nel exerciciu anterior.