Esti repartu ente les comunidaes autónomes efectuóse según la población axustada
03 ago 2021 . Actualizado a las 19:28 h.El Principáu d'Asturies va recibir 308,34 millones d'euros de los 13.486 millones d'euros que'l Gobiernu central prometió a les comunidaes autónomes pa compensar los efectos de la crisis del coronavirus, dempués de qu'esti martes el Conseyu de ministros diera lluz al decretu que recueye la distribución del Fondu Covid.
A nivel nacional, Andalucía, Catalunya y Madrid son les autonomíes que más dineru van recibir del total. En concretu, Andalucía va llevase anguaño 2.357,50 millones d'euros; Catalunya va recibir 2.160,99 millones d'euros y la comunidá presidida por Isabel Díaz Ayuso va llograr 1.863,76 millones d'euros.
Esti repartu ente les comunidaes autónomes efectuóse según la población axustada, tal y como anunció'l Gobiernu que se fadría tres comunicalo a los executivos rexonales la selmana pasada nel Conseyu de Política Fiscal y Financiera (CPFF).
El Ministeriu de Facienda defende qu'esti criteriu ye'l que defenden la mayoría de gobiernos rexonales, magar que dellos Executivos autonómicos como Cataluñny o la Comunidá de Madrid pidíen que'l criteriu que primara nesti repartu fuera'l Productu Interior Brutu (PIB).
En cualesquier casu, tres Andalucía, Catalunya y Madrid, que suman el 47% del total d'esti fondu, asítiense la Comunitat Valenciana (1.400 millones); Galiza (828,38 millones); Castiella y Llión (741,26 millones); Euskadi (644,5 millones); Canaries (629 millones); Castiella-La Mancha (605,3 millones); Murcia (421,9 millones); Aragón (402,5 millones); Islles Balears (329,7 millones); Estremadura (317,8 millones); Asturies (308,3 millones); Nafarroa (192,9 millones); Cantabria (168,3 millones); La Rioxa (93,5 millones) y Ceuta y Melilla (10 millones).
EL 70% EN SEPTIEMBRE, Y EL RESTU EN PAYARES
El decretu d'esti Fondu Covid, que ta recoyíu nos Presupuestos Xenerales del Estáu (PXE) pal añu 2021, contempla que los 13.486 millones van tresferise en dos fases. Asina, el 70% d'estos recursos van treslladase en septiembre y el 30% restante nel mes de payares d'anguaño.
Yá l'añu pasáu l'Executivu movilizó un Fondu Covid de 16.000 millones d'euros pa repartir ente les comunidaes autónomes y, agora, vuelve otorgar a los gobiernos rexonales d'un nuevu fondu, esta vegada con asignación a los PXE.
Amás, pal próximu añu, Facienda yá comunicó que les entregues a cuenta del sistema de financiamientu van algamar la cota inédita de los 112.213 millones d'euros, un 6,3% más, informa Europa Press.