Asturies recibe 308,34 millones d'euros del Fondu Covid pa 2021

LA Voz

AGORA

Junta General del Principado (JGPA)
Junta General del Principado (JGPA)

Esti repartu ente les comunidaes autónomes efectuóse según la población axustada

03 ago 2021 . Actualizado a las 19:28 h.

El Principáu d'Asturies va recibir 308,34 millones d'euros de los 13.486 millones d'euros que'l Gobiernu central prometió a les comunidaes autónomes pa compensar los efectos de la crisis del coronavirus, dempués de qu'esti martes el Conseyu de ministros diera lluz al decretu que recueye la distribución del Fondu Covid.

A nivel nacional, Andalucía, Catalunya y Madrid son les autonomíes que más dineru van recibir del total. En concretu, Andalucía va llevase anguaño 2.357,50 millones d'euros; Catalunya va recibir 2.160,99 millones d'euros y la comunidá presidida por Isabel Díaz Ayuso va llograr 1.863,76 millones d'euros.

Esti repartu ente les comunidaes autónomes efectuóse según la población axustada, tal y como anunció'l Gobiernu que se fadría tres comunicalo a los executivos rexonales la selmana pasada nel Conseyu de Política Fiscal y Financiera (CPFF).