Uviéu acueye una esposición solidaria de Playmobils

G.G. REDACCIÓN

AGORA

Imagen de archivo de una exposición de Playmobil
Imagen de archivo de una exposición de Playmobil

Los beneficios van destinase a «Dosis de Sonrisas», una asociación que llucha escontra'l cáncer infantil

06 ago 2021 . Actualizado a las 05:00 h.

Esti sábadu 7 d'agostu abre les sos puertes la Gran Esposición de Playmobils, nel Hotel Reconquista d'Uviéu. Tratase d'una esposición solidaria na que los beneficios van ser destinaos a «Dosis de Sonrisas», una asociación que llucha contra'l cáncer infantil al traviés de la creación de programes d'ociu n'hospitales y donaciones económiques escontra dicha enfermedá.

Les 15.000 pieces d'esti míticu xuguete van permanecer n'Uviéu namás 10 díes, hasta'l 15 d'agostu. Mientres la visita van poder esfrutar de nueve mundos d'esti popular xuguete: La Granxa, El Llonxanu Oeste, El Gran Zoo, El Maraviyosu Mundu del Circu, Les Atracciones de Feria, Los Tarrecibles Pirates, Los Bomberos, Estudios de Hollywood y L'Hospital Infantil «n'homenaxe al nuestru llabor social escontra'l cáncer infantil», según informen los organizadores. Amás va haber un xuegu interactivu a manera de busca de l'ayalga pa tolos asistentes, ente los que se va rifar un lote de Playmobil.

Tolos asistentes van poder xugar de baldre al xuegu interactivu. Nel mesmu, van tener que buscar ocho serenes de Playmobil en caúna de les maquetes, y ente tolos participantes va rifase un Porsche de Playmobil.

El preciu de la entrada ye de 4 euros y pueden adquirise de manera antemanada al traviés de giglon.com o en taquiella. Por razones de seguridá, les entraes tán llendaes. Los organizadores destaquen que la esposición cumple con tolos requisitos sanitarios previstos como xel hidroalcohólico a la entrada y salida, distancia de seguranza, aforu llendáu y mázcaru obligatoriu. 

La esposición va poder visitase nel Hotel Reconquista d'Uviéu del 7 al 15 d'agostu n'horariu de 11:00 a 14:00 y de 17:00 a 20:00 tolos díes de la selmana.