Veranu Lliterariu ye una actividá de promoción y animación a la llectura de lliteratura infantil n?asturianu
16 ago 2021 . Actualizado a las 11:14 h.El llunes 9 d’agostu vuelve’l Veranu Lliterariu a Corvera, cola presencia del escritor ACD. ACD llega a Corvera con una trayectoria amplia y reconocida como novelista, ensayista, dramaturgu, músicu y xestor cultural; ganador en distintes ocasiones del Premiu «Xosefa Xovellanos», la so obra narrativa inclúi obres tan celebraes de la lliteratura infantil y xuvenil en llingua asturiana como son Blugás, Khaos, El misteriu del neñu esborráu o Memorial del monstruu. Pa detrás, tamién tradució a Jules Verne al asturianu, como foi’l casu de L’eternu Adán. ACD va participar nel Veranu Lliterariu con una sesión especial cuentacuentera titulada Cuentos misteriosos.
Veranu Lliterariu ye una actividá de promoción y animación a la llectura de lliteratura infantil n’asturianu, organizada pola Casa de la Llingua-Serviciu de Normalización Llingüística de Corvera, qu’esti añu cumple la novena edición. Tala actividá, d’asistencia llibre y gratuita, consiste n’alcuentros ente escritores y tolos neños que quieran asistir; cada escritor acerca y cuenta una de les sos producciones lliteraries a los rapacinos, n’alcuentros d’una hora de duración, que poles sos característiques dan en ser distintos y únicos.
L’alcuentru lliterariu con ACD va facese’l llunes 9 d’agostu, n’horariu de les 11:30 a les 12:30 hores, nel salón d’actos del Centru Sociocultural de Les Vegues.