Sellu especial pa pelegrinos na oficina principal d'Uviéu

S. F. REDACCION

AGORA

Una guía turística, na plaza de la catedral d'Uviéu
Una guía turística, na plaza de la catedral d'Uviéu EFE | Alberto Morante

Puede consiguise al traviés de la llectura d'un códigu QR

16 ago 2021 . Actualizado a las 11:12 h.

Correos cuenta na so Oficina Principal d'Uviéu con un sellu específicu pa la credencial dixital del pelegrín. Esti sellu nuevu puede consiguise al traviés de la llectura d'un códigu QR.

Correos súmase asina al apueste pola dixitalización y la seguridá nel Camín de Santiago, ufiertando al pelegrín la posibilidá de sellar la so credencial dixital.

Esta opción ponse en marcha esti mes de xunu con motivu del Xacobéu 21-22, cuando la Catedral de Santiago llanzó una aplicación móvil pa que'l pelegrín pueda arrexuntar los sellos necesarios pa consiguir la Compostela de forma dixital.

Los sellos dixitales llógrense al traviés de los códigos QR disponibles en distintos puntos del Camín de Santiago. Amás de la d'Oficina Principal d'Uviéu, un total de 25 oficines de Correos repartíes nes distintes Rutes Xacobees van disponer del so sellu dixital pa que los pelegrinos puedan sellar la so Credencial.

Los pelegrinos que quieran sellar la so credencial tamién van poder consiguir el sellu tradicional nes oficines de Correos del Camín de Santiago.

Tola información sobre los servicios de Correos pal Camín de Santiago ta disponible na páxina web www.elcaminoconcorreos.com, onde'l pelegrín tamién va poder atopar ónde dormir nun buscador con más de 4.000 agospiamientos, descripción de les Rutes Xacobees más populares y más de 300 conseyos de qué ver y facer nel Camín per parte de los carteros.