El sábadu, Muestra de Canción Asturiana na plaza d'Álvarez Acebal, dende les 12:30 hores
26 ago 2021 . Actualizado a las 05:00 h.La cultura de raigañu asturianu va se la protagonista de la mañana del sábadu 28 d'agostu, día de la festividá de San Agustín, con un recital que va llenar d'asturianía la plaza d'Álvarez Acebal. Cuatro intérpretes de tonada, un monologuista, una pareya de baille, un gaiteru y un tamboriteru van xubise al escenariu d'esti céntricu enclave de la ciudá pa deleitar a los amantes de la música, el baille y l'humor llariegos.
Tonada
Dos voces femenines, Liliana Castañón y Mª del Rosario González, y otres dos masculines, Celestino Rozada y Adolfo Uría, van facer vibrar a los más aficionaos a la canción asturiana.
Gaita y tambor
El recital va contar con ún de los gaiteros más reputaos d'Asturies: Vicente Prado El Pravianu. Al tambor va tar el candasín David Fernández.
Pareya de baille
La pareya de baille formada pola avilesina Silvia Mallo y el xixonés Jesús Rivero tien collaborao con múltiples formaciones del baille tradicional d'Asturies, asina como con diverses bandes de gaites n'espectáculos y muestres de folclor a lo llargo de tola xeografía española y a nivel internacional.
Humor
Les carcaxaes llegarán a la plaza d'Álvarez Acebal de la mano del monologuista Manuel Reguero «El Maestru». L'humorista d'Illas, anque residente n'Avilés, toma'l nome de la so etapa como docente d'inglés nel colexu Marcelo Gago.