Los descuentos lleguen al 70% en dalgunos establecimientos
26 ago 2021 . Actualizado a las 21:06 h.Coincidiendo colos últimos díes de les rebaxes, l'Asociación de Autónomos, Comerciantes y Servicios de Villaviciosa (ACOSEVI) entama hasta'l sábadu 4 de setiembre una edición nueva de la campaña «10 días de Rebajón». Los veceros, amás d'adquirir artículos con descuentos, en dalgunos casos d'hasta'l 70%, podrán ganar cheques regalu por valor de 60 euros nos establecimientos nos que faigan les compres.
El sortéu sigue la mecánica del entamáu na edición de febreru, ye dicir, les cien primeres compres que se faigan en cada establecimientu participante na campaña tendrán derechu a elixir un númberu del 00 al 99. El ganador de cada cheque de los 29 que se rifen sedrá aquel que'l númberu elixíu coincida cola terminación de la ONCE del sortéu del llunes 6 de setiembre. Amás, nesta ocasión si dalgún premiu quedara ermu daríense otres dos oportunidaes.
Nel apartáu de los descuentos, les promociones inclúi 2x1 en selección d'artículos y descuentos del 40%, 50% y en dalgunos casos hasta del 70% en moda, complementos, calzáu, muebles, decoración, productos de belleza, artículos de deporte, óptica y audioloxía, ente otros.
Participen los establecimientos siguientes: Aguja y Pincel, Alosei, Alyka, Artizan, Audióptica Villavisión, Biare, Boutique Carmela, Calzados Ramón, Cueto’s Bike, El Rincón de Titana, Electricidad Ferino, Estética Lna, Froky, Icolor Imprenta Digital, La Más Barata, La Nena Joyas, Leti Moda Interior, Lucía Moda Infantil, Montse Moda, Muebles Valle, Nonna, Óptica Don Visión, Pedro Álvarez, Peluquería Nankor, Pepa Uría, Perfumerías Yaya, Stadium, Tamara Díaz, Tottishop.