La memoria vuelve a El Mazucu

F. Sotomonte

AGORA

El monolito de El Mazucu, destrozado, cubierto por una bandera republicana
El monolito de El Mazucu, destrozado, cubierto por una bandera republicana FAMYR

L'Altu de la Tornería sedrá escenariu d'un homenaxe'l prósimu 11 de setiembre

31 ago 2021 . Actualizado a las 05:00 h.

La conmemoración de la batalla del Mazucu, ún de los socesos más relevantes del Frente norte na Guerra Civil española, vuelve al so escenariu'l próximu 11 de setiembre con un actu nel Altu de la Tornería que, según los sos organizadores, pretende sirvir de «homenaxe a les víctimes del franquismu, al antifascismu y, sobre manera, un actu de reivindicación de la so llucha, del so compromisu políticu».

La batalla d'El Mazucu allargóse cuasi tol mes de setiembre de 1937 dempués de la cayida de Santander, nella enfrentáronse alredor de 6.000 republicanos contra fuercies de 30.000 homes del bandu subleváu y cuntó con una importante participación de l'aviación fascista, con ataques de la Llexón Condor nazi que probó delles de les técniques yá esperimentaes en Gernika, anque se demostraron poco eficaces pola configuración del terrén.

El monumentu que recuerda estos socesos sufrió dellos episodios de vandalismu nos últimos años.

Nel actu d'esti 11 de setiembre, la Federación Asturiana Memoria y República (FAMYR) y Ahaztuak van entregar amás unos gallardones los valores republicanos «María Jesús Suarez Rabanillo» qu'anguaño se concedieron a Laudelino Suarez Iglesias, militante antifranquista na clandestinidá, na zona del Caudal activu nes fuelgues de los años 60 y nel sindicatu CCOO. Tamién se reconoz a Carmina Garrido, la primer muyer sindicalista d'Ensidesa; al escritor navarru Pedro José Francés; y a l'asociación Libres y Combativas.