Manual de fonoloxía asturiana

La Voz

AGORA

Trabe publica el llibru de Xulio Viejo que sistematiza'l conocimientu recibíu de la tradición filolóxica del últimu sieglu

01 sep 2021 . Actualizado a las 11:21 h.

Ediciones Trabe acaba de publicar «Una introducción a la fonoloxía asturiana», del profesor de la Universidá d'Uviéu Xulio Viejo y que ye un manual introductoriu que sistematiza'l conocimientu recibíu de la tradición filolóxica del últimu sieglu.

El trabayu atiende colos distintos niveles d'análisis a los que se da l'estudiu fonolóxicu: dende la caracterización fonética de los soníos del asturianu hasta les propiedaes de la enunciación, pasando per unidaes intermedies con una perspectiva teórica abierta y en parte novedosa.

La descripción del estándar y les distintes variedaes actuales compleméntase con un estudiu evolutivu que mira a dar cuenta del procesu formativu del espaciu llingüísticu asturianu, atendiendo al so aniciu nel llatín de la romanización y al marcu comparativu qu'ofrez el conxuntu de llingües romániques, revisando delles propuestes avanzaes en trabayos anteriores.

Xulio Viejo Fernández (Uviéu, 1968) ye doctor en Filoloxía Románica y autor de diverses investigaciones sobre llingua y lliteratura asturianes, como La formación histórica de la llingua asturiana, Llingua y cultura lliteraria na Edá Media asturiano-lleonesa o Pensar asturiano, ente otros llibros, ediciones crítiques y artículos o obres de creación; informó Europa Press.