La TPA estrena un documental sobre'l so orixe presentáu pol músicu Xune Elipe
03 sep 2021 . Actualizado a las 11:39 h.El miércoles 8 de setiembre, a les 22.15 hores, la TPA va estrenar el documental tituláu Patria Querida. Esta producción d'una hora de duración trata distintos aspectos del que ye himnu oficial de la comunidad autónoma dende l'añu 1984.
El programa, dirixíu y presentáu pol músicu y escritor Xune Elipe, y realizáu por Javier Lueje, cola producción executiva de Goxe Producciones, ye un percorríu pelos estremaos elementos que formen la esencia d'un cantar como l'Asturies, patria querida.
Asina, fálase del so orixe inciertu, de la so estensión xeográfica, de lo que representa pa los asturianos y asturianes, de la so estigmatización, del so componente políticu o de cómo llego a convertise nel himnu oficial d'Asturies. Too eso, amás, acompañáu d'imáxenes d'archivu.
Nel documental tamién van aparecer persones vinculaes al mundu cultural, musical y políticu como Héctor Braga (musicólogu), Chema Puente (rabelista), Marta Mori (escritora), Ismael Arias (escritor), Andrea Joglar (gaitera), Manuel Fonseca (siputáu na Xunta Xeneral 1983-1986), Manuel de la Cera (conseyeru de Cultura 1983-1990), Amelia Valcárcel (conseyera de Cultura 1993-1995), Lluis Xabel Álvarez (fundador de Conceyu Bable), Isaac Turienzo (pianista), José M. Gutiérrez (gaiteru) o Pedro de Silva (presidente del Principáu 1983-1991); informó Europa Press.