Prensa internacional descubre paisaxes queseros d'Asturies

La Voz

AGORA

Ente ellos, Loderstars Anthology, Vanity Fair Italia, Taste Magazine o BBC Good Food

10 sep 2021 . Actualizado a las 10:59 h.

Periodistes de cinco medios de comunicación internacionales percuerren estos díes paisaxes venceyaos a la producción quesera asturiana, ente ellos delles llocalidaes d'Onís y Cangues d'Onís rellacionaos cola ellaboración del quesu Gamonéu.

El viaxe, entamáu por Turismu d'Asturies en collaboración colos representantes de los World Cheese Awards n'España, pretende dar a conocer Asturies como destín turísticu ya inclúi, amás, visites a enclaves como'l Parque Nacional de Picos d'Europa.

La xornada de vienres va ser la última del viaxe y va desenvolvese con percorríos monográficos venceyaos al quesu Cabrales.

Uviéu foi ún de los puntos centrales del viaxe pa que los periodistes conozan el llar de los XXXIII World Cheese Awards, dientro del Asturias Paraíso Natural International Cheese Contest, que va tener llugar el próximu mes de payares.

Los redactores participantes vienen de medios de comunicación con conteníos dedicaos al turismu y a la gastronomía, ente ellos, Loderstars Anthology, Vanity Fair Italia, Taste Magazine o BBC Good Food.