La OSPA interpreta «La noche celta» na ponte romana de Cangues d'Onís

La Voz REDACCION

AGORA

OSPA

El recintu va a abrir a les 18 horas y l'entrada va ser llibre hasta completar l'aforu

23 sep 2021 . Actualizado a las 14:11 h.

La Orquesta Sinfónica del Principáu d'Asturies (OSPA) va interpretar esti xueves la versión sinfónica de La noche celta, de Ramón Prada, nun conciertu que va empezar a les 19.00 hores na ponte romana de Cangues d'Onís y al que va asistir la conseyera de Cultura, Política Llingüística y Turismu, Berta Piñán.

El recintu que va acoyer l'actuación, que va tener un accesu frente a la Oficina de Turismu, va abrir a les 18.00 hores y l'entrada va ser llibre, por orde de llegada, hasta completar l'aforu, según indiquen en nota de prensa dende'l Gobiernu del Principáu.

Dirixíu por Daniel Sánchez Velasco, el conciertu va cuntar tamién cola participación de los músicos Alberto Varillas (gaita), Héctor Braga (zanfonía) y los miembros de la Banda de Gaites Ciudá Cangues d'Onís Jesús Miguel Gómez Pellico, Manuel Inguanzo Suárez, Juan Esteban Pinín, Víctor González Fernández y Sonia Estrada Copín.

La OSPA estrenó la versión sinfónica de La noche celta n'agostu de 1998, nel prestixosu Festival Interceltique de Lorient (Francia), col maestru Maximiano Valdés. Esi mesmu añu, la orquesta grabó la obra de Prada con Fonoastur. Dende entós, interpretóse n'Uviéu, Xixón y Barcelona.

Cola grabación de La noche celta, la orquesta retomó la so actividá nel Auditoriu Príncipe Felipe d'Uviéu depués del confinamientu pola pandemia en xunu de 2020. La versión grabada entós dirixóla'l maestru asturianu Daniel Sánchez Velasco, y xunto cola OSPA actuó'l gaiteru Alberto Varillas, músicu qu'acompañó tamién a la orquesta nel estrenu d'esta obra y que mañana va tar en Cangues d'Onís, informa Europa Press.