Xixón: «trending topic» nos blogues de viaxes

La Voz REDACCIÓN

AGORA

Letras de Gijón en los Jardines de la Reina
Letras de Gijón en los Jardines de la Reina

Los blogueros participantes sumen más de 1,6 millones de siguidores nes redes sociales

27 sep 2021 . Actualizado a las 14:06 h.

Xixón Turismu sigue apostando por ser ún de los destinos más recomendaos por blogueros y blogueres de viaxe. Nestos años, son munchos los blogs que visitaron la ciudá. Anguaño, seis miembros de la rede Travel Inspirers van viaxar a la ciudá asturiana pa realizar reportaxes y vídeos pa promocionar atractivos turísticos de Xixón y amosar los sos recursos en tolos ámbitos (gastronomía, actividaes albentestate, patrimoniu, families, medio rural, etc).

Los blogueros participantes, que sumen más de 1,6 millones de siguidores nes redes sociales, 1,6 millones de llectores mensuales y más de 32 millones de páxines vistes nos blogues, van realizar caún un viaxe tematizáu y son: La viajera empedernida, Paco Nadal, Guías Viajar, El Pachinko, ViajaBlog y El Rincón de Sele.

L’oxetivu d’esta aición ye afitar la marca Gijón/Xixón y la so ufierta turística en blogues de sonadía nel mercáu español, en redes sociales y buscadores d’Internet; fomentar l’engagament col usuariu con conteníos basaos n’esperiencies reales y auténtiques; y afalar al públicu pa facer una escapada a Xixón amosando unos recursos turísticos diferentes y diversos d’un destín atractivu, de calidá y perseguru.

Arriendes de les publicaciones y los vídeos, va entamase una campaña paralela de banners en tolos blogues de Travel Inspirers con 1.000.000 d’impresiones garantizaes.