Nuevu Amosando cola música infantil de Fernando Valle Roso y Silvia Moreno y la electrónica de Llevólu'l Sumiciu

La Voz REDACCION

AGORA

El Toma 3 de Xixón acueye'l 3 d'ochobre la grabación d'esti ciclu de conciertos en formatu íntimu, grabaos y emitíos per Internet

29 sep 2021 . Actualizado a las 17:57 h.

El ciclu de presentaciones de novedaes discográfiques Amosando llega a la so octava edición esti domingu 3 d’ochobre. A les 17.30 hores nel Toma3 de Xixón van presentar los sos nuevos trabayos Fernando Valle Roso y Silvia Moreno con Cantares de… y pa neñ@s y Llevólu’l Sumiciu con Entaína. Música pa la reciella y electrónica de raigañu pa da-y forma a esti ciclu entamáu por musicasturiana.com, con un formatu ente conciertu acústicu con aforu reducíu, programa de televisión y alderique.

Cantares de… y pa neñ@s ye’l proyectu musical conxuntu de Fernando Valle Roso y Silvia Moreno. Con él, reivindiquen les canciones tradicionales que per munchos años la reciella asturiana cantaba pa divertise y que nos últimos tiempos foron escaecíendose. Pa qu’estos sones espoxiguen dan esti conciertu didácticu y grabaron un discu homónimu nel que compilen y reinterpreten diez d’estes pieces populares.

Llevólu’l Sumiciu ye un proyectu musical y audiovisual que nació en 2020 p’amestar música asturiana y electrónica. Entaína ye’l so primer EP, un trabayu nel que la música del país renuévase y cantares de formaciones como Nuberu, D’Urria, Xaréu Folk o Grupu Trasgu suenen más actuales y mestizos gracies a la revisión que faen d’ellos fusionándolos con ritmos afrollatinos y electrónicos.