Denuncian ataques a les valles publicitaries de la manifestación pola oficialidá

La Voz REDACCION

AGORA

«Como prevíemos, ta macándo-yos», consideren na Xunta pola Defensa de la Llingua

05 oct 2021 . Actualizado a las 13:36 h.

La Xunta pola Defensa de la Llingua Asturiana (XDLA) denunció esti llunes ataques a les valles publicitaries que tienen instalaes en delles carreteres d'Asturies pa promocionar la manifestación pola oficialidá del asturianu y el gallego-asturianu del 16 d'ochobre.

La valla afectada ta asitiada na zona de Buenavista, a la entrada d'Avilés, onde arrancaron una parte del anunciu, segun denunció la XDLA esti llunes y como pue vese nes semeyes que publicaron nes sos redes sociales.

«Los intolerantes atacaron ayeri pela nueche la nuestra campaña. Como prevíemos, ta mancándo-yos. Vese que lo que más-yos molesta son los colores, el corazón que reivindica la pluralidá, la diversidá. Quieren una Asturies gris, ensin futuru y ensin pasáu», indicó la organización nun apunte en Twitter recoyíu por Europa Press.