«La meyor anuncia enantes de la oficialidá»

La Voz

AGORA

Xosé Antón González Riaño
Xosé Antón González Riaño

El presidente de l'Academia de la Llingua Asturiana, Xosé Antón González Riaño celebra l'aprobación nel Congresu d'una Proposición Non de Llei (PNL) que pide al Gobiernu la creación de la especialidá docente

07 oct 2021 . Actualizado a las 10:31 h.

El presidente de l'Academia de la Llingua Asturiana, Xosé Antón González Riaño, afirmó que l'aprobación nel Congresu d'una Proposición Non de Llei (PNL) que pide al Gobiernu la creación de la especialidá docente de Llingua Asturiana y Lliteratura ye «la meyor anuncia enantes d'algamar la oficialidá».

Nun apunte en Twitter recoyíu por Europa Press, Riaño calificó esta midida d'un «llogru grande» que muestra «la normalidá que va algamando la reivindicación llingüística nel Estáu». «Ye la meyor anuncia enantes d'algamar la oficialidá», indicó.

Riaño posicionóse asina depués de que la Comisión d'Educación y FP del Congresu aprobara esti miércoles, colos votos a favor de tolos grupos menos PP, Vox y Ciudadanos, una proposición non de llei del Grupu Parllamentariu Confederal d'Unidas Podemos-En Comú Podem-Galicia en común, pola que s'encamienta al Gobiernu a reconocer y crear la Especialidá Docente del Profesoráu de Llingua Asturiana y Lliteratura.