El grupu asturianu participa na fiesta a favor de les ikastoles navarres
11 oct 2021 . Actualizado a las 17:03 h.La ikastola Lizarra de Estella va acoyer los díes 16 y 17 d'ochobre'l Nafarroa Oinez, la fiesta a favor de les ikastoles que vuelve depués de la suspensión l'añu pasáu pola pandemia de Covid-19 y onde va actuar el grupu asturianu Skama la Rede.
El formatu va ser más amenorgáu qu'otros años y en dos díes pa distribuyir les actividaes. Amás, anguaño nun va haber el tradicional circuitu con entraes, de manera que los qu'asistan van poder movese llibremente per Estella.
Asina, van asitiase puntos distintos n'Estella nos que los participantes van poder realizar aportaciones. El sábadu 16, los actos van concentrase na plaza Santiago y la plaza de Los Fueros mentes que'l domingu 17 a estos espacios van sumase la plaza de toros, la ikastola, el parque de Los Llanos, el frontón Remontival y los Xardinos del Centru Cultural Los Llanos.
El grupu de rock del Cabu Peñes Skama la Rede va convertise nel primer grupu asturianu que participe nesti certame. Va ser el domingu 17 d'ochobre a les 15.00 hores; informó Europa Press.