Barbón pide a Vox rectificar el so «acosu» a Pumares y Blanco diz que «taría encantáu» de que-y fixeren «publicidá en cartelos»

La Voz

AGORA

El presidente asturianu repitió que l'actitú de Vox supón una «infamia» que va pasar a la historia del parllamentarismu de la Xunta Xeneral.

20 oct 2021 . Actualizado a las 14:03 h.

El presidente del Principáu d'Asturies, Adrián Barbón, pidió esti miércoles al portavoz de Vox, Ignacio Blanco, rectificar la campaña de «acosu» al diputáu de Foru Adrián Pumares, a lo que'l parllamentariu de Vox insistió en «sacar a la vía pública» la so «incongruencia» sobre la oficialidá del asturianu.

D'esta manera referíase'l presidente a les valles de Vox na vía pública cola cara del diputáu y secretariu xeneral de Foru nes que se-y acusa de «vendíu» énte la posibilidá de que'l so votu sía determinante p'aprobar una reforma del Estatutu d'Autonomía qu'incluya la oficialidá del asturianu y del gallego-asturianu.

«Pola decencia d'esta Cámara», pidió Barbón a Blanco, «dende l'autoridá moral» que considera que-y da condenar públicamente los «ataques» a dirixentes de Vox, que «rectifique esa actitú d'acosu y de señalamientu al diputáu Adrián Pumares».