Trabe asoleya'l nuevo llibru de narración del poeta y académicu de l'ALLA
21 oct 2021 . Actualizado a las 11:36 h.Ediciones Trabe publicó'l llibru nuevu de Pablo Texón, tituláu 'Proust n'El Monte Alende. Cincuenta pieces de prosa miscelánea'. Nesta obra, realidá y ficción dílense de la que Marcel Proust apaez silenciosu n'El Monte Alende, a la vera la casa los güelos del autor-narrador.
Según la editorial, trátase d'un «llibru singular» porque «quien llea ha esfrutar desque entame hasta lo último con una lliteratura d'estremaos escenarios y personaxes, d'igual intensidá, na que rescamplen la ironía y una mirada aliella a la sociedá y a la xente de so, la que ye y la que fo».
Pablo Texón Castañón (Felechosa, Ayer, 1977) ye poeta, narrador, articulista y traductor de reconocíu prestixu nel mundu lliterariu asturianu. Académicu correspondiente de l'Academia de la Llingua Asturiana, llevó dalgún de los premios más importantes de les lletres asturianes y nesti añu 2021 volvió a ganar el Premiu de Poesía Xuan María Acebal con 'Cantar de ti mesma'; informó Europa Press.