Asturies, Galicia, Cantabria y Castiella y Llión xúnense para la xestión del llobu ibéricu
AGORA
Les comunidaes constituyeron el Grupu de Trabayu del Llobu Ibéricu nel Noroeste de la Península Ibérica, onde habiten más del 95% de los exemplares de la especie
28 oct 2021 . Actualizado a las 13:35 h.Asturies, Galicia, Cantabria y Castiella y Llión refugaron el borrador de la estratexa nacional nueva pa la xestión del llobu ibéricu n'España que plantea'l Ministeriu pa la Transición Ecolóxica y el Retu Demográficu (MITERD), al considerar que «nun tien rigor y consensu, y nun s'adapta a la realidá».
Coles mesmes, decidieron abandonar el grupu de trabayu tuteláu pol departamentu que dirixe la ministra Teresa Ribera y alcordaron la constitución del Grupu de Trabayu del Llobu Ibéricu nel Noroeste de la Península Ibérica, p'aprovechar los datos y la conocencia acumulada a lo llargo de más de 20 años de xestión poles comunidaes autónomes qu'alluguen a más del 95% de los llobos qu'existen n'España, indicó l'Executivu autonómicu en nota de prensa.
Desenvolver de manera conxunta actuaciones pa ellaborar un "verdaderu" censu de la especie, como yá pasa nel casu del osu pardu o'l gallu montés cantábricu, ye l'oxetivu de la estratexa.
Asina lo anunciaron güei los directores xenerales con competencies en biodioversidá de Cantabria, Asturies, Galicia y Castiella y Llión, en calteniendo una xunta presencial de coordinación nes instalaciones que la Xunta de Castiella y Llión tien nel Centro del Fuego de Llión, y na que tamién participaron técnicos de les alministraciones rexonales espertos na xestión de la especie, informa Europa Press.