Iniciativa pol Asturianu presenta una reclamación n'Uviéu pa caltener el nome de la cai de Xosefa Canellada

La Voz REDACCIÓN

AGORA

Calle María Xosefa Canellada
Calle María Xosefa Canellada Google Maps

«Caltener el nome de María Xosefa Canellada a una cai ye sinónimu de da-y el nome de la cultura, estudiu, esfuerciu y reconocer el papel de la muyer na lliteratura asturiana», consideren

05 nov 2021 . Actualizado a las 11:58 h.

El Conceyu d’Uviéu pretende modificar el nome de varies cais de la ciudá suprimiendo’l nome de María Xosefa Canellada nuna d’elles. Por mor d’ello, Iniciativa pol Asturianu ta acabantes de presentar una reclamación a l’Alcaldía d’Uviéu pa caltener el nome de la escritora na vía uvieína.

Nesi sen, la quexa que la organización presentó al Conceyu recueye que María Xosefa Canellada foi una escritora mui importante nun solo pa la llingua asturiana sinón tamién pa la española, siendo nomada miembru de la Real Academia Española nel añu 1986 y de la propia Academia de la Llingua Asturiana dende la so fundación.

La so formación en Filosofía y Lletres fizo que medrara l’amor pola so llingua materna y pola so lliteratura, amás de ser autora d’una montonera d’obres. «Por esi papel pal asturianu, pal castellán, pa la lliteratura y pa la cultura creemos que ye merecío cuntar con un espaciu como’l que tenía hasta agora na capital d’Asturies», señalen.