Carla Armas y Rubén García algamen el Premiu Camaretá al Meyor Cantar col tema «El que conoz a tierra»

La Voz OVIEDO

AGORA

Na gala, celebrada anueche nel Centru Niemeyer, los ganadores impunxéronse a los finalistes L-R, ¿Aú? y la Banda de Gaites Camín de Fierro

28 nov 2021 . Actualizado a las 13:31 h.

El tema «El que conoz a tierra», de Carla Armas y Rubén García algamó’l Premiu Camaretá al Meyor Cantar, convocáu na so decimotercer edición y que’l xuráu resolvió anueche na gala celebrada nel Auditoriu del Centru Niemeyer.

El xuráu del premiu, que busca reconocer a la meyor composición en llingua asturiana o gallego-asturianu difundida nel añu 2020, escoyó na primer fase del certame, celebrada en xunetu, los cuatro cantares finalistes: «Tomasín», del grupu ¿Aú?, «Flacos y ensin peinar», de la Banda de Gaites Camín de Fierro, «Veis volver», del dúo L-R y «El que conoz a tierra» de Carla Armas y Rubén García. A lo último, impúnxose el cantar «El que conoz a tierra», con lletra en sanabrés, variante zamorana de la llingua asturiana.

La gala, que se retresmitió en directo pela TPA, acoyó les actuaciones de los cuatro finalistes, y darréu, de la que’l xuráu deliberaba, Rodrigo Cuevas ofreció una actuación na qu’incluyó la interpretación de la canción ganadora de la edición pasada, «Rambalín». Rodrigo Cuevas foi gallardonáu esta mesma selmana col premiu «El Ojo Crítico» de música moderna “por traer al sieglu XXI la tradición y el folclore asturiano”.