Alcuentru con Rodrigo Cuevas na Factoría Cultural d'Avilés

La Voz

AGORA

Rodrigo Cuevas
Rodrigo Cuevas ep

Nun va ser una actuación musical sinón un coloquiu centráu na figura de Rambal

09 dic 2021 . Actualizado a las 12:52 h.

L'Espaciu Escénicu de la Factoría Cultural va acoyer el llunes, 13 d'avientu, un alcuentru col artista asturianu Rodrigo Cuevas. L'actividá, que forma parte de la programación navidiega NAvilés, enmárcase nel circuitu artístico-lliterariu Autores nel Camín 2021, cola collaboración ente'l Gobiernu d'Asturies y el Conceyu d'Avilés.

L'alcuentru con Rodrigo Cuevas nun va tener formatu d'actuación musical, sinón de charra o coloquiu centráu na figura de Rambal, personaxe al que Cuevas fai un homenaxe nel so cantar Rambalín. Esti tema gallardonáronlu col Premiu Camaretá al meyor cantar na edición de 2020. Depués del alcuentru, Rodrigo Cuevas va interpretar la pieza.

Según informó'l Conceyu d'Avilés, l'actu, que va empezar a les 19 hores, va tener una duración de 45 minutos y un aforu máximu de 70 asistentes. Les persones interesaes n'asistir a esti alcuentru íntimu van tener qu'inscribise primero, bien al traviés de mensaxe de WhatsApp, bien al traviés de corréu electrónicu. Na actividá va ser obligatoriu l'usu de mázcara; informó Europa Press.