Van poder consultase tamién los volúmenes del Anuariu de la Música Asturiana correspondientes a los años 2001, 2002 y 2003
30 dic 2021 . Actualizado a las 20:17 h.L'Archivu de la Música Contemporánea Asturiana (AMCA) va publicar nel 2022 la dixitalización de la primer maqueta del grupu Dixebra, grabada en 1987 y que va recuperase pol 35 aniversariu del grupu.
Según indicaron dende l'AMCA al traviés de nota de prensa, a nun tardar van poder consultase tamién los volúmenes del Anuariu de la Música Asturiana correspondientes a los años 2001, 2002 y 2003 --que se xunten a los del periodu 2012-2020 yá publicaos nel AMCA--; a la espera de la salida nos primeros díes de xineru del Anuariu 2021. Tamién va dixitalizase la grabación de la música del pabellón d'Asturies na Espo'92 del compositor Fernando Largo.
L'AMCA nacía nel presente añu col enfotu d'investigar, catalogar y divulgar la música d'espresión asturiana actual dende l'apaición del movimientu conocíu como Surdimientu, en 1974 --cola creación de l'asociación Conceyu Bable--, hasta anguaño, informa Europa Press.