L'ALLA reclama a Barbón implicación personal na reforma a la oficialidá

La Voz

AGORA

Manifestación por la oficialidad del asturiano
Manifestación por la oficialidad del asturiano Tomás Mugueta

De nun llograse «proyectaríase una imaxe escura onde la estratexa y les consignes del arcu políticu señaldosu de la dictadura triunfa sobre una mayoría social abierta»

03 ene 2022 . Actualizado a las 16:58 h.

L'Academia de la Llingua Asturiana (ALLA) reclamó esti llunes la implicación personal del presidente Adrián Barbón pa que lídere'l procesu de reforma del Estatutu d'Autonomía.

Nesi sentíu, al traviés d'un comunicáu, recordaron que de nun llograr la oficialidá del asturianu y del gallego-asturianu «xeneraríase una gran frustración n'amplios sectores de la sociedá asturiana nos que s'instalaría'l desánimu y una fonda sensación d'inxusticia».

«Dende'l puntu de vista sociolóxicu, proyectaríase una imaxe escura onde la estratexa y les consignes del arcu políticu señaldosu de la dictadura triunfa sobre una mayoría social abierta, democrática, moderna y inclusiva», indicaron.

La institución llingüística recordó que nesti momentu tán negociando la reforma del Estatutu d'Autonomía la FSA-PSOE, Podemos, Izquierda Xunida y Foru. Partíos a los que l'ALLA reclama que planteen la negociación y el consensu «priorizando'l futuru cultural d'Asturies sobre otres llexítimes aspiraciones partidaries en rellación col desarrollu social, económicu y políticu de la nuesa comunidá».

«La FSA-PSOE, Podemos, Izquierda Xunida y Foru tienen la responsabilidá y la oportunidá histórica d'algamar, nesti añu 2022, un alcuerdu estatutariu», señalaron, pa esplicar que la oficialidá va tener que ponese en práctica al traviés d'una llei de normalización, a la qu'esperen que se sume'l PP; informó Europa Press.