Tanxugueiras lleva al Benidorm Fest un cantar con presencia de la llingua asturiana

La Voz OVIEDO

AGORA

Tanxugueiras se presentó al Benidorm Fest con el tema «Terra»
Tanxugueiras se presentó al Benidorm Fest con el tema «Terra» ROCIO CIBES

Sabela Maneiro, Aida Tarrío y Olaia Maneiro van poder tar nesti festival nel que se va escoyer al participante d'España n'Eurovisión 2022

26 ene 2022 . Actualizado a las 17:33 h.

Tanxugueiras informa de que va actuar esti miércoles na primera de les dos semifinales del Benidorm Fest (22,40 hores nel Palau L'illa) en recuperándose dos de les sos componentes, Aida Tarrío y Olaia Maneiro, de la covid.Nun comunicáu, la formación indica que Sabela Maneiro, Aida Tarrío y Olaia Maneiro van poder tar nesti festival nel que se va escoyer al participante d'España n'Eurovisión 2022.

Ellí, van presentar el so directu de Terra, qu'atropa más de cuatro millones de reproducciones en plataformes dixitales y que tien frases en toles llingües oficiales del Estáu y n'asturianu. «Tamos mui agradecíes por tol cariñu de les y de los eurofans y del públicu. Acompáñanos un equipu fantásticu y esperamos devolve-y a la xente col nuestru directu tola enerxía que nos ta tresmitiendo», apunten.

Laura Iturralde, Marta Verde, Fran Sieira, Iago Pico, Silvia Iria Miramontes, Jorge de Álvarez y Miguel Bling completen l'equipu qu'acompaña a les «pandeireteiras» nesti espectáculu que «conxuga lo tradicional colo contemporaneo en tolos sos elementos». L'espectáculu tien la dirección de la escenógrafa Laura Iturralde («Ósmose», con Mercedes Peón) y la coordinación xeneral de PlayPlan Cultural, que tamién asume la dirección de producción.