La sala principal de Presidencia va llevar el nome de Belarmino Tomás

La Voz REDACCION

AGORA

Los muebles de Belarmino Tomás
Los muebles de Belarmino Tomás

La estancia ye onde tán los muebles del despachu del presidente del Conseyu Interprovincial d'Asturies y Llión

04 feb 2022 . Actualizado a las 13:08 h.

La sala de la planta baxa de la sede de Presidencia, onde tán los muebles del despachu de Belarmino Tomás, va llevar tamién el nome del políticu que presidió'l Conseyu Interprovincial d'Asturies y Llión (avientu de 1936 - agostu de 1937) y el Conseyu Soberanu d'Asturies y Llión (agostu - ochobre de 1937). El Conseyu de Gobiernu, a propuesta del presidente, Adrián Barbón, adoptó esti vienres esta decisión en memoria de Tomás, nacíu'l 29 d'abril de 1892 y fináu'l 14 de setiembre de 1950. 

L'artículu 18.3 de la Llei del Principáu 1/2019, pa la Recuperación de la Memoria Democrática, otorga relevancia especial a los integrantes del Conseyu Interprovincial y del Conseyu Soberanu d'Asturies y Llión.

Nesti sentíu, establez que la forma en que tien de reflexase esa reconocencia va desenvolvese reglamentariamente, pa qu'eses persones reciban un tratu análogu a los que tienen los que formaron parte de los distintos gobiernos autonómicos. Magar esi desarrollu reglamentariu entá nun se concretó, l'Executivu considera procedente la reconocencia honorífica a Belarmino Tomás, informa Europa Press.