Mallada asegura que Feijóo tien bien clares les diferencies ente la realidá llingüística asturiana y gallega
AGORA
El presidente asturianu defiende qu'hai posibilidá constitucional de facer un modelu d'oficialidá amable y diz que la posición de los «populares» sobre l'asturianu va camudar
23 feb 2022 . Actualizado a las 13:26 h.L'estudiu sobre la implantación de la oficialidá del asturianu encargáu pol Executivu foi esti miércoles el motivu de debate ente'l presidente del Principáu, Adrián Barbón y la portavoz del PP, Teresa Mallada. Un debate nel que la crisis interna de los «populares» tamién tuvo protagonismu y mentes Barbón deseaba una resolución, Mallada alvirtió-y que nun se faiga «falses esperances» y aseguró que Aberto Núñez Feijóo tien clara la diferencia ente Asturies y Galicia.
«Nun s'esmoleza tanto por nós. Feijóo tien bien clares les diferencies ente la realidá llingüística d'Asturies y la de Galicia y la señora Ayuso va salir d'esta difícil situación muncho más reforciada de lo que yá taba», indicó Teresa Mallada.
Mallada volvió acusar a Barbón de mentir y aseguró que «perdió'l valor la so palabra». «Cuando un políticu pierde'l valor de la so palabra, sabe lo que-y queda, dígoselo, nun-y queda nada», dixo la portavoz del PP. Énte estes palabres el Xefe del Executivu asturianu retrucó-y que «quien conoz bien el valor de la palabra de Mallada ye Pablo Casado».
Barbón principiaba la so intervención pa responder a Teresa Mallada mostrando'l so deséu «de corazón», de que'l PP se recomponga lo primero posible, pol bien de los afiliaos y votantes del PP, pero tamién pa evitar que Vox gane terrén.
Unes palabres que fixeron que Mallada-y pidiera al presidente asturianu que «dexe d'esmolecese polo que-y pasa al PP» y alvirtió-y amás que nun se faiga «falses esperances» porque les coses «nun son como empiecen sinón como acaben».
Yá sobro l'estudiu sobre la implantación de la oficialidá, Adrián Barbón indicó que namás lleó ayeri les conclusiones. Llamentó que Mallada vuelva al Plenu a «faltar una vez más, porque ye lo que saben facer dende'l PP».
«¿Va dicime usté qu'hai un únicu modelu d'oficialidá en toa España?. ¿Ye'l mesmu'l de Galicia que'l de Cataluña?. ¿Ye'l mesmu modelu'l qu'impulsa Feijó al qu'usté agora tanto quier, que'l qu'impulsa Pere Aragonés?. La respuesta ye non. Nun hai un únicu modelu d'oficialidá pónganse como se pongan», dixo Barbón.
Nesti sentíu, el presidente asturianu repitió qu'hai posibilidá constitucional de facer un modelu d'oficialidá amable y volvió esperar que la posición de los 'populares' sobre l'asturianu va camudar. «Cuando dexe de ser presidenta interina del PP va ver como'l Partíu Popular camuda, migra la so posición y toma aires nuevos, esos aires que vienen de Galicia, y que tamién van contaxar al PP asturianu, non se si agora, si en 2023 o si nunos años, pero van camudar», indicó Barbón; informa Europa Press.