Algaire publica'l videoclip de «Rondó FEM»

La Voz

AGORA

El primer 'single' del grupu sal coincidiendo col 8M

08 mar 2022 . Actualizado a las 19:42 h.

El grupu Algaire acaba de publicar, coincidiendo col Día Internacional de la Muyer, el so primer single 'Rondó FEM', un tema feminista publicáu nel so trabayu discográficu de debut 'Coral y Maera'.

'Rondó FEM' ye un tema con lletra de Laura Marcos con un videoclip grabáu ente ochobre y payares cola productora Báltico en dellos escenarios de Mieres y La Pola L.lena.

Algaire ta formáu Carla Miranda, Iratxe Espina y Loreto Suárez --voz y percusión tradicional asturiana--, y Juan Yagüe --guitarra--, qu'ufren una visión propia de la música tradicional asturiana dende una perspectiva actual y contemporánea.

El grupu, una de les revelaciones de la música asturiana nos últimos meses, presentó'l so primer discu, 'Coral y Maera', esti sábadu pasáu nel Auditoriu Teodoro Cuesta de Mieres con un éxitu grande de públicu.

Nel mesmu escenariu, coincidiendo coles xornaes del 8M entamaes pol Conceyu de Mieres, presentaron esti llunes el so primer videoclip, qu'en menos de 24 hores yá lleva más de 2.600 visualizaciones; informó Europa Press.