Nesta ocasión hai 300 places pa cada nivel y los exámenes van principiar el sábadu 10 de setiembre
17 mar 2022 . Actualizado a las 11:22 h.La Conseyería d'Educación va abrir ente'l 21 de marzu y el 8 d'abril el plazu d'inscripción pa les pruebes de certificación de llingua asturiana del añu 2022 de los niveles B2 y C1.
El plazu de pagu pa completar el procesu va ser ente'l 9 y el 20 de mayu, según la resolución d'Educación recoyida por Europa Press. Nesta ocasión hai 300 places pa cada nivel y los exámenes van principiar el sábadu 10 de setiembre.
Trátase de la tercera vez que s'entamen estes pruebes. El Principáu principió nel 2020 col nivel intermediu B2 y acutó un máximu de 500 places pal exame. Sicasí, la primer convocatoria perpasó esa cifra y un total de 782 persones inscribiéronse.
Educación va convocar polo menos una vez al añu pruebes pa un mínimu d'ún de los niveles: básicu A1, básicu A2, intermediu B1, intermediu B2 y avanzáu C1. En caún va haber una prueba de certificación qu'acreite'l nivel de comprensión y espresión oral y escrita en llingua asturiana; informó Europa Press.