Dende esi momentu, les alministraciones públiques van poder facer usu de los términos oficializaos, tanto na cartografía oficial como nes señalizaciones y rotulaciones toponímiques
18 abr 2022 . Actualizado a las 13:18 h.El Boletín Oficial del Principáu d'Asturies (BOPA) publicó el decretu pol que se determinen los topónimos oficiales de Caravia, que ye'l númberu 73 de la llista de conceyos cola so toponimia yá oficializada.
Hasta'l momentu aprobáronse yá cuasi 24.000 topónimos tradicionales nesti procesu. No que va de llexislatura'l Conseyu de Gobiernu dio lluz verde a la toponimia de 7 de los 12 conceyos que taben pendientes d'oficializar. Asina, quedaron aprobaes nesti mandatu les toponimies de Cabrales, Castropol, El Valle Baju de Peñamellera, Llanera, Pravia, Salas y Caravia.
El Conseyu de Gobiernu aprueba la toponimia oficial depués de que'l conceyu valide'l dictame emitíu pola Xunta Asesora de Toponimia. El Boletín Oficial del Principáu d'Asturies (BOPA) publica los decretos y estos han entrar en vigor a los venti díes. Dende esi momentu, les alministraciones públiques van poder facer usu de los términos oficializaos, tanto na cartografía oficial como nes señalizaciones y rotulaciones toponímiques, informa Europa Press.