Agora constitúyese como un órganu colexáu, d'adhesión voluntaria, pa coordinar los proyectos y actividaes de los Servicios de Normalización Llingüística del Principáu
22 abr 2022 . Actualizado a las 13:45 h.El Conseyu de Gobiernu aprobó esti vienres el decretu pol que se crea y regula la composición, organización y competencies de la Rede de Normalización Llingüística.
Esta entidá venía funcionando dende 2001, cola puesta en marcha de los primeros servicios de normalización municipales, que se coordinaben pa realizar campañes y actividaes comunes. Sicasí, hasta agora nun tenía nengún marcu regulatoriu.
Agora constitúyese como un órganu colexáu, d'adhesión voluntaria, pa coordinar los proyectos y actividaes de los Servicios de Normalización Llingüística del Principáu, pa fomentar l'usu del asturianu y el gallego-asturianu.
Ente los sos cometíos tán l'asesoramientu a les alministraciones públiques, la planificación de cursos de llingua, la collaboración en procesos selectivos nos que s'evalúen conocencies llingüístiques, velar pol cumplimientu de la llexislación nel so ámbitu de competencia y foemntar una imaxe positiva de les llingües propies, informa Europa Press.