La XDLA entama la manifestación pola oficialidá: «Nun vamos renunciar a siguir esixendo lo que ye de xusticia»
AGORA
Va celebrase'l 7 de mayu a les 12.00 hores, con salida de la uviedina Estación del Norte
22 abr 2022 . Actualizado a las 14:36 h.La manifestación pola oficialidá que tolos años entama la Xunta pola Defensa de la Llingua Asturiana (XDLA) pol Día de les Lletres Asturianes, .
El cartel de la convocatoria ye un vasu con dellos colores --n'alusión al corazón multicolor que vien usando la organización nos últimos meses nes sos campañes-- que ta «medio enllenu y que la xente tien qu'ayudar a enllenar». Asina, quieren representar la situación actual del debate políticu sobre la oficialidá y el papel del movimientu de reivindicación llingüística.
En declaraciones a Europa Press, el portavoz de la XDLA, Xosé Candel, destacó «l'optimismu que queremos tresmitir col cartel y la certeza de que'l tiempu nos va recompensar tantos años de llucha».
«Llevamos décades saliendo a la cai y anque foi decepcionante la incapacidá hasta agora de delles fuercies polítiques pa sacar alantre la reforma estatuaria, nun vamos renunciar a siguir esixendo lo que ye de xusticia», indicó. «Nós nun nos damos. Nun tamos por aplazar derechos cada vez que s'abre la oportunidá, sinón por reconocelos. Y pa eso vamos manifestanos esti sábadu 7 de mayu», sentenció Candel, informa Europa Press.