Autor y editor, foi miembru de númberu de l'Academia de la Llingua Asturiana, onde creó y dirixó la revista Lliteratura
26 abr 2022 . Actualizado a las 12:26 h.La conseyera de Cultura, Política Llingüística y Turismu, Berta Piñán, participó esti sábadu en Xixón nel actu d'homenaxe a Xose Bolado organizáu pol Atenéu Obreru de Xixón, onde anunció que la Selmana de les Lletres de 2023 va tar dedicada a esti escritor y miembru de l'Academia de la Llingua Asturiana que falleció en 2021.
Xosé Bolado (1946-2021) foi presidente del Atenéu Obreru de Xixón, onde impulsó la colección póetica «Deva». En 1988 foi escoyíu miembru de númberu de l'Academia de la Llingua Asturiana, onde creó y dirixó la revista Lliteratura.
Autor de la «Antoloxía Poética del Resurdimientu» (At. Obreru, 1988) y editor de la obra reunida de Rosario de Acuña (KRK 2000-2009), como poeta editó obres como «Línea imperceptible al temor» (Deva, 1988), «Conxura contra la decadencia» (Llibros del Pexe, 2002), «Na estación de los relevos» (Llibros del Pexe, 2006) y «La bona intención/La buena intención» (Impronta, 2012).
Recientemente, la editorial Bartleby editaba l'antoloxía «Un pájaro tan ligero», presentada en Xixón, ciudá que-y concedió la medaya d'oru en 2021, informa Europa Press.