Les solicitúes d'asturianu superen pela tercer vez les places ufiertaes

La Voz REDACCIÓN

AGORA

Testos normativos de llingua asturiana
Testos normativos de llingua asturiana

311 persones inscribiéronse pa realizar l'exame de B2 de llingua asturiana, pal qu'había 300 places

28 abr 2022 . Actualizado a las 14:58 h.

Un total de 311 persones inscribiéronse pa realizar l'exame que certifica un nivel intermediu B2 de llingua asturiana, pal qu'había 300 places. Ye la tercer vez que se fai esta prueba y el tercer añu que les solicitúes superen la ufierta.

La Conseyería d'Educación punxo en marcha estes pruebes nel añu 2020, cuando s'abrió una convocatoria de 500 places pa la que se rexistraron 800 solicitúes. L'añu pasáu, la ufierta foi de 300 places y hubo 431 persones inscrites, polo que la cifra va estabilizándose añu tres añu depués de la demanda que supunxo la primer convocatoria.

Per otru llau, pa la prueba del nivel avanzáu -el C1, que ye la segunda vez que s'entama- anguaño hubo 121 solicitúes, polo que la cifra también baxa en comparanza con 2021, cuando hubo 199 inscritos.

Educación entama una vez al añu pruebes pa un mínimu d'ún de los niveles: básicu A1, básicu A2, intermediu B1, intermediu B2 y avanzáu C1. En caún va haber --los dos niveles del básicu y el B1 tovía nun se convocaron nunca- una prueba de certificación qu'acredite'l nivel de comprensión y espresión oral y escrita en llingua asturiana. Anguaño, les pruebes van principiar el sábadu 10 de setiembre, informa Europa Press.