El tema inclúise en «Kikirikikí», l'últimu libru-discu de l'artista que ta acabante algamar la so segunda edición
22 may 2022 . Actualizado a las 05:00 h.Los pantalanes, la rula antigua, la Cuesta’l Cholo o la punta Lequerique son los escenarios de El barquín, el videoclip nuevu d’Alicia Álvarez (voz y guitarra de Pauline en la Playa). Grabáu dafechu nel antiguu Muelle de Xixón (anguaño Puertu Deportivu), la canción ye un cantu a la llibertá que munches veces nun algamamos polos nuesos propios mieos. Esti barquín (que protagoniza la embarcación Itsas izar) imaxina mil peligros, como tantas neñes y neños na infancia, y va alcontrar nesta emocionante canción la fuercia pa vencer los sos mieos y esfrutar por fin de la mar.
El tema inclúise en Kikirikikí, l’últimu libru-discu de l’artista (editáu por La Fabriquina) que ta acabante algamar la so segunda edición. Son canciones delicaes n’asturianu pan eñes y neños, que falen de los sentimientos, les emociones o los mieos a traviés de les historias d’animalinos, bichos y otros tienros personaxes.
El video, que retrata un guapísimu Xixón braniegu, foi realizáu por Cortexiphan producciones y cuntó cola collaboración especial del acordeonista David Varela.