Feijóo diz que'l «billingüismu cordial» ye la «seña d'identidá» del PP

La Voz

AGORA

El presidente de la Xunta y candidato a liderar el PP, Alberto Núñez Feijóo, y la presidenta del PP de Asturias, Teresa Mallada
El presidente de la Xunta y candidato a liderar el PP, Alberto Núñez Feijóo, y la presidenta del PP de Asturias, Teresa Mallada Jorge Peteiro

El presidente afirma que defiende «convivencia harmónica y cordial» ente les llingües

31 may 2022 . Actualizado a las 19:09 h.

El líder del PP, Aberto Núñez Feijóo, apostó pol «billingüismu cordial» como «seña d'identidá» de la so formación. «Ye un billingüismu que vamos implementar en Cataluña», dixo, pa defender una «convivencia harmónica y cordial» ente'l castellanu y el catalán.

Feijóo cargó duramente esti martes contra'l Gobiernu que lidera Pedro Sánchez por «mirar pa otru llau» cola llei del catalán na escuela del Govern y dicir a los xueces que «son los responsables de que se cumplan les lleis educatives» en Cataluña. Énte esta situación, mostróse dispuestu a recurrir esa norma énte'l Tribunal Constitucional con Ciudadanos (Cs).

«Vamos protexer los derechos de los neños y les families catalanes», garantizó Feijóo énte los medios de comunicación a la so llegada al 27 Congresu del PPE que se celebra en Rotterdam (Holanda), un día depués de que la Generalitat aprobara un decretu que refuga'l 25% de castellanu na escuela al defender la «inaplicación» de los parámetros numbéricos pa les llingües.

Feijoo resaltó que nuna democracia l'Estáu de Derechu funciona porque ésa ye la diferencia entra una democracia y un réxime non democráticu. «Y como l'Estáu de Derechu funciona, les sentencies cúmplense», dixo.

Feijóo apostó pol billingüismu cordial que, según dixo, ye la seña d'identidá del Partíu Popular. «Ye un billingüismu que vamos implementar en Cataluña. El catalán ye un idioma de Cataluña y, polo tanto ye un idioma d'España. Y el castellanu ye l'idioma común del Estáu y pue convivir perfectamente», afirmó.

En resaltando que'l PP lo que busca ye una «convivencia harmónica y cordial» ente'l castellanu y el catalán, Feijóo afirmó que ye «mui triste» que nel sieglu XXI haya un gobiernu autonómicu que tea «en irregularidá y illegalidá clara y que tenga l'apoyu del PSC»; informó Europa Press.