Cultura promueve la dixitalización del históricu selmanariu en llingua asturiana 'Les Noticies'

La Voz

AGORA

A lo llargo de 16 años foi un espaciu de referencia pa los más de los autores en llingua asturiana del momentu

10 jun 2022 . Actualizado a las 16:09 h.

La Biblioteca d'Asturies sumó a los sos fondos virtuales la colección de 770 exemplares del selmanariu Les Noticies, qu'a lo llargo de 16 años (1996-2012) analizó la sociedá del momentu en llingua asturiana.

La Conseyería de Cultura, Política Llingüística y Turismu, al traviés de la Dirección Xeneral de Política Llingüística, promovió la dixitalización de les más de 20.000 páxines de la publicación pa poneles a disposición de tola xenta interesao.

El director xeneral de Política Llingüística, Antón García, entregó esti viernes los fondos dixitalizaos al director de la Biblioteca d'Asturies, Juan Miguel Menéndez Llana, en presencia d'Inaciu Iglesias, editor del históricu selmanariu.