La Xunta refuga una PNL de Podemos sobre la creación de la especialidá d'asturianu

La Voz

AGORA

El portavoz de Podemos, Rafael Palacios, durante su intervención en el pleno en la Junta General del Principado
El portavoz de Podemos, Rafael Palacios, durante su intervención en el pleno en la Junta General del Principado EFE | J.L.Cereijido

«Nun vamos aceptar la votación por puntos y que nos llamen demagoxos, voten ustedes con Vox» dixo Rafael Palacios

10 jun 2022 . Actualizado a las 10:37 h.

PSOE, PP, Ciudadanos y Vox votaron en contra d'una Proposición Non de Llei (PNL) de Podemos pa instar al Principáu a reclamar al Estáu la creación de la especialidá docente d'asturianu o, nel so casu, qu'esti facultara a l'autonomía a ponela en marcha «en condiciones d'igualdá coles otres especialidaes llingüístiques».

La PNL, votada esti xueves na Comisión de Cultura, Política Llingüística y Turismu de la Xunta Xeneral, tamién pretendía instar al Conseyu de Gobiernu a incluyir les places de les especialidaes de llingua asturiana y gallego-asturianu nes plantiyes orgániques y nos procesos d'estabilización llaboral y establecer la ufierta obligatoria en tolos niveles educativos, amás de nes Escueles d'Idiomes.

Según la diputada del PSOE, Mónica Ronderos, estos dos últimos puntos nun se puen llevar alantre al ser competencia estatal, polo qu'acusó a Podemos de «demagoxa» y d'actuar con «falta de rigor». Recordó'l compromisu de la FSA cola oficialidá y qu'esta nun salió alantre polos qu'introducieron midíes fiscales nel debate, p'afirmar que de llevar alantre un procesu d'estabilización del profesoráu ensin esti marcu llegal, la xusticia podría anulalo. «Nun podemos encamentar al Gobiernu asturianu a facer dalgo fuera de norma», indicó.