Bimenes celebra los 25 años de l'aprobación de la oficialidá con dos díes de fiesta y el conciertu de Dixebra
AGORA
El sábadu recupérase una de les principales actividaes del programa festivu: el concursu d'escanciadores
16 jun 2022 . Actualizado a las 11:16 h.El Conceyu de Bimenes va celebrar los 25 años dende que declaró al asturianu llingua oficial nel so territoriu. Por eso, pa celebralo, programó dos díes de fiesta que van acabar con un conciertu de la banda Dixebra.
Asina, el vienres 1 de xunetu va celebrase na Plaza'l Polideportivu de Santuyano una Nueche en Danza. Va principiar a les 21.00 hores con un taller de baille que va siguir a les 22.30 coles actuaciones de Los Yerbatos, Cantaruxare y Pandereteres de Fitoria.
El sábadu recupérase una de les principales actividaes del programa festivu: el concursu d'escanciadores, puntuable pal XXIX Campeonatu Oficial d'Escanciadores d'Asturies. Va ser a les 17.00 hores nel Polideportivu Melanio Asensio, en Santuyano. Otra manera, esi día Dixebra va presentar el discu «Ente la niebla» na Plaza'l Polideportivu de Santuyano, a les 0.00 hores, informa Europa Press.