Puertos, cantiles o dinosarios, el regresu de los trenes turísticos

F. S.

AGORA

F. Sotomonte

Les rutes, que salen de les estaciones d'Uvieu y Xixón empiecen el 16 de xunetu

06 jul 2022 . Actualizado a las 05:00 h.

Cuenta atrás pal regresu de los trenes turísticos n'Asturies, dempués de tar dos años suspendíos por causa de la pandemia. Nel branu del regresu de les fiestes de prau, la primer salida d'estos trenes ta programada pal próximu 16 de xunetu na Ruta de los Puertos y Cantiles de la estación de Xixón.

Renfe informó de que les rutes tienen como orixe y destín les estaciones d'Uviéu y Xixón y, na xornada, va introducise nos rincones y paisaxes más interesantes y espectaculares del Occidente y l'interior d'Asturies. El percorríu en tren acompáñase col serviciu d'autobús y guía. Van realizase trés salíes de cada ruta con cuasi 100 places disponibles en cada salida.

El Tren de la Ruta de Los Puertos y Cantiles tien salíes programaes los sábados 16 y 30 de xunetu y 20 d'agostu. El viaxe empieza na estación de Xixón a les 08:56 hores y remata na mesma a les 21:54 hores. Visítense los cantiles del Cabu Vidío, Cuideiru, el Cabu Peñes y el so Centru d'Interpretación del Mediu Marín y la villa marinera de Candás.

El tren de la Ruta de La sidra y los dinosaurios cuenta con salíes programaes los sábados 23 de julio y 20 y 27 d'agostu. El viaxe iníciase na estación d'Uviéu a les 08.40 hores y acaba na mesma a les 22.00 hores. Visítense les instalaciones rellacionaes cola cultura sidrera en Villaviciosa y Nava, el Muséu del Xurásicu d'Asturies (MUXA), Colunga y el Mirador d'El Fitu.